“Улуустарга от ыйын аҥаара ардахтаах, уонча күн ыраас халлаан, атын күннэрэ былыттаах буолуоҕа” диэн билгэтин саҕалаата Тускул. Салгыы улуустарынан маннык анаарда:
ИЛИН ЭҤЭР УЛУУСТАР
Бастакы уон хонукка түүн сөрүүн, күнүс — куйаас. Күнүс +22С+26С кыраадыс сылаас, түүн +10С+13С. Ол оннугар II-III дэкээдэҕэ түүн сылыйан, от үүнэригэр үчүгэй, ардахтаах. II дэкээдэҕэ күнүс +24С+26С кыраадыс, түүн +16С +19С кыраадыс сылаас. III дэкээдэҕэ күнүс да, түүн да биллэрдик сылыйар. Күнүс +23С+25С кыраадыс сылаас, түүн +16С +18С кыраадыс сылаас.
КИИН УЛУУСТАР
I дэкээдэҕэ түүнүн-күнүһүн сөрүүн, күнүс +19С+27С кыраадыс куйаас, түүнүн +9С+12С сылаас. II дэкээдэҕэ күнүс +23С+26С кыраадыс куйаас, түүн +17С +19С кыраадыс сылаас. III дэкээдэҕэ күнүс +24С+26С кыраадыс, түүн +16С +19С кыраадыс сылаас. II-III дэкээдэҕэ балай да ардахтаах.
БҮЛҮҮ БӨЛӨХ УЛУУСТАР
Бүлүү эҥэр улуустарга былырыыҥҥытын курдук сөрүүн соҕус буолсу. II дэкээдэҕэ түүн биллэ сылаас. Дьэ уонна бу ыйга былырыыҥҥыга тэҥнээтэххэ Бүлүү эҥэр улуустарга ардаҕа II дэкээдэҕэ баар, ол оннугар III дэкээдэҕэ кэмчи. Ол оннугар оттуурга үчүгэй күннэр. Бу ыйга I дэкээдэҕэ күнүс +24С+27 кыраадыс сылаас, түүн +10С+14С. II дэкээдэҕэ күнүс +23С+26С кыраадыс, түүн +20С +22С кыраадыс сылаас. III дэкээдэҕэ күнүс+24С+26С кыраадыс, түүн +16С +18С кыраадыс сылаас.
ӨЛҮӨХҮМЭ, АЛДАН, НЕРЮНГРИ
Соҕуруулуу-арҕаа улуустарга быйылгы от кэмигэр II дэкээдэҕэ ардахтаах, онтон I-III дэкээдэҕэ ардаҕа арыый да аҕыйах соҕус буолара сабаҕаланар Ол курдук, салгын температурата былырыыҥҥы куйааска холоотоххо, сөрүүн. Бу ый I дэкээдэтигэр күнүс +20С+25С кыраадыс, түүн +10С+14С сылаас. II дэкээдэҕэ күнүс +22С+25С кыраадыс, түүнүн +16С +19С кыраадыс сылаас. III дэкээдэҕэ күнүс+22С+24С кыраадыс, түүн +15С +18С кыраадыс сылаас.
ӨЙМӨКӨӨН УЛУУҺА
Тымныытынан аатырар улууска от ыйа былырыыҥҥы куйааһыгар тиийиэ суох, көннөрү сылаас ый буолсу. Быйыл Өймөкөөҥҥө от ыйа балай да ардахтаах. Бу ыйга I дэкээдэҕэ күнүс +18С+22С кыраадыс, түүнүн 6С, 8С сылаас. II дэкээдэҕэ күнүһүн +20С+24С кыраадыс, түүнүн +12С+15С кыраадыс сылаас. III дэкээдэҕэ күнүһүн +20С+22С кыраадыс, түүн +11С+13С кыраадыс сылаас.
ДЬААҤЫ УЛУУҺА
Былырыыҥҥыга тэҥнээтэххэ, быйылгы от ыйа эмиэ сылаас буолсу. II дэкээдэҕэ этиҥнээх ардах көннөрү биллиэ, онтон II дэкээдэҕэ балай да уһун ардахтаах буолсу. III дэкээдэҕэ быстах ардахтаах. I дэкээдэҕэ күнүс +19С+24С кыраадыс, түүнүн +8С+11С сылаас. II дэкээдэҕэ күнүһүн +19С+22С кыраадыс, түүн +13С+15С кыраадыс сылаас. III дэкээдэҕэ күнүһүн+20С+22С кыраадыс, түүн +12С+14С кыраадыс буолар.
АБЫЙ, МУОМА, ХАЛЫМА, ҮӨҺЭЭ ХАЛЫМА, АЛЛАРАА-ХАЛЫМА, АЛАҺЫАЙ УЛУУСТАРА
Халыма-Индигиир эҥэр улуустарга от ыйа былырыыҥҥы куйаастарга тиийиэ суох. Быйылгы от ыйа былырыыҥҥыга тэҥнээтэххэ, балай да ардахтаах буолсу. Ол курдук, I дэкээдэҕэ ардах суох, II-III дэкээдэҕэ ардахтаах. I дэкээдэҕэ күнүс +19С+23С кыраадыс, түүн +8С+12С кыраадыс сылаас. II дэкээдэҕэ күнүһүн +19С+22С кыраадыс, түүнүн +11С+13С кыраадыс сылаас. III дэкээдэҕэ күнүһүн +16С+19С кыраадыс, түүн+6 +9С кыраадыс.
АНААБЫР, ӨЛӨӨН, ТИКСИИ
Артика эҥэр улуустарга от ыйын бастакы дэкээдэтэ түүҥҥү да, күнүскү өттүгэр балай да сөрүүн буолсу. Иккис уонна үһүс дэкээдэҕэ син балайда сылыйыыһы. От ыйа Артика эҥэр улуустарга II дэкээдэҕэ ардахтаах, I-III дэкээдэҕэ ардаҕа арыый да аҕыйах.
I дэкээдэҕэ күнүс +9С+13С кыраадыс, түүн +6С+9С . II дэкээдэҕэ күнүһүн +10С+12С кыраадыс, түүнүн +5С+8С. III дэкээдэҕэ күнүһүн +10С+13С кыраадыс, түүн +6С+8С кыраадыс сылаас.
