21 Тохсунньу 21.01
  • -48°
  • $ 73,82
  • 83,32

Томпоҕо саҥа хочуолунай үлэҕэ киирдэ

11:57, 13 апреля 2016
Текст:

Томпо улууһугар кэнники сылларга алта саҥа хочуолунай үлэҕэ киирдэ. Муус устар 12 күнүгэр 150-ча киһи олорор Арыы Толоон сэлиэнньэтигэр саҥа хочуолунайы арыйыы үөрүүлээх түгэнэ буолла. Тэрээһиҥҥэ СӨ ОДьКХ уонна энергетикаҕа министрэ Алексей Колодезников, «СӨ ОДьКХ» ГУТ главнай инженерин солб. Юрий Сутемьев, улуус баһылыгын солб. Иван Афанасьев кыттыыны ыллылар.


акотельн0

Аал уоту оттон сахалыы алгыс этилиннэ, ыалдьыттары кымыһынан күндүлээһин, ырыа-тойук буолла. Кыһыл лиэнтэни кырыйан, өдөбүнньүк күлүүһү туттардылар. Өр сылларга кэтэһиллибит үөрүүлээх түгэҥҥэ сэлиэнньэ олохтоохторо оҕотугар тиийэ кытыннылар. Кинилэр ааттарыттан Байаҕантай нэһилиэгин Бочуоттаах олохтооҕо, учуутал Владимир Тимофеев махтал суруктары салайааччыларга уонна ОДьКХ үлэһиттэригэр туттарда.

акотельн1

ОДьКХ Томпотооҕу филиалын Кириэс Хальдьаайытааҕы учаастагын начальнигар Дмитрий Бурцевка, электрик Григорий Бравиҥҥа министерство Бочуотунай грамоталарын, сорох үлэһиттэргэ «СӨ ОДьКХ» ГУТ уонна филиал Бочуотунай грамоталарын, махтал суруктарын туттардылар.

Алексей Колодезников, СӨ ОДьКХ уонна энергетикаҕа миниистирэ:

— Арыы Толоон с. урукку өртүгэр саахалланар туруктаах эргэ мас хочуолунай оннугар былырыын саҥа хочуолунай тутуута саҕаламмыта. Үбүлээһин 50 тахса % министерствоттан уонна «СӨ ОДьКХ» ГУТ оҥоһулунна. Улуус дьаһалтата 5 мөл. солк., нэһилиэк дьаһалтата ититэр ситими тардыыга 1 мөл. солк. утары үбүлээһиҥҥэ уктулар. Ол түмүгэр быйыл, 2016 сылга, Саха сиригэр бу бастакы хочуолунай үлэҕэ киирдэ. Аны кэтэх ыаллар субсидия ылан киин ититэр ситимҥэ холбонуохтара. Маны таһынан быйыл Тополинайга саҥа хочуолунай тутуута саҕаланыа.

0
0
21 января 21.01
  • -48°
  • $ 73,82
  • 83,32