«Россия сбербаана» ААУо Дьокуускайдааҕы салаатын эбии офиһын сүрүн специалиһынан үлэлээбит К. диэн дьахтар улахан суумалаах харчыны уорбутугар сыһыаннаах Томпо улууһун суутун бириигэбэрэ күүһүгэр киирдэ.
К. Россия сбербааныгар үлэлии сылдьан 2013 сыл балаҕан ыйыттан 2014 сыл бэс ыйыгар дылы кэмҥэ сымыйа кассовай ордердары толорбут уонна банк бырагырааматыгар сымыйа докумуоннары киллэрбит. Ол түмүгэр 4935914 солк. 59 харчыны уоран «Россия сбербаана» ААУо-ҕа улахан хоромньуну таһаарбыт. Уорбут харчытын К. бэйэтин туһатыгар туттубут.
Суут кэмигэр сууттанааччы буруйун толору билиммэтэ. Ол эрээри судаарыстыбаннай буруйдааччы суукка кини буруйдааҕын көрдөрөр толору дакаастабыллары аҕалла. Онон суут буруйдуур бириигэбэри таһаарда.
К. РФ ХК 160 ыст. 4 ч. буруйдааҕынан билиниллэн 7 сылга көҥүлэ усулуобунайдык быһылынна. Маны таһынан 360000 солк ыстараабы төлүөҕэ.
Сууттанааччы көмүскээччитэ СР Үрдүкү суутугар ааһыныы биэрбитэ да бириигэбэр оннунан хаалла.
