29 Кулун тутар 29.03
  • -13°
  • $ 92,26
  • 99,71

Тохсунньуга Аллараа Халымаҕа эдэр табаһыттар уонна балыксыттар күрэхтэһиэхтэрэ

10:01, 14 декабря 2020
Текст:
Читайте нас на
Яндекс Новости
ЯДВ

WorldSkills стандартарынан табаһыттарга уонна балыксыттарга регионнааҕы куонкурус 2021 сыл тохсунньу 18 — 24 күннэригэр Аллараа Халымаҕа ыытыллыаҕа. Ол туһунан ТАСС-ка хотугу норуоттар Арктикатааҕы кэллиэстэрин методиһа Христина Христенко иһитиннэрдэ.


«Хотугу норуоттар Арктикатааҕы кэллиэстэрэ WorldSkills хайысхатыгар кыттар. Тохсунньу 18 — 24 күннэригэр Аллараа Халымаҕа IX аһаҕас регионнааҕы чемпионат «Эдэр профессионаллар» (WorldSkills Russia) икки былаһаакканан ыытыллыаҕа: «Табаһыт — механизатор», «Балыгы астааччы». Сорудахтарга — электроннай стойбищены оҥоруу, яранганы туруоруу, туттар тэрили оҥоруу киирэллэр«, — диэн кэллиэскэ кэпсээтилэр.

Куонкурус маны сэргэ «Технология содержания оленей» муодулунан ыытыллыаҕа. «Куонкуруска кыттааччылар экстерьеры быһаарыахтаахтар, таба толору характеристикатын кэпсиэхтээхтэр: сааһынан ханнык бөлөххө киирэрин, эмиһин-ырыганын, харахтарынан көрөн ыйааһына төһө буоларын», — диэн быһаардылар.

Христенко иһитиннэрбитинэн, куонкурус «Эксплуатация и обслуживание технических средств» компетенциянан ыытыллар. Чуолаан, бурааны ыытыыга уонна өрөмүөннээһиҥҥэ сатабылларын көрдөрүөхтэрэ.

«Куонкурус историятыгар аан бастаан балыгы астааһын киирэр», — диэтэ кини.

Куонкурус туһунан сиһилии https://ysia.ru/v-yakutii-v-2021-godu-provedut-konkurs-profmasterstva-sredi-olenevodov-i-rybakov/

Следите за самым важным и интересным в Telegram-канале и WhatsApp-группе ЯСИА