27 Ыам ыйа 27.05
  • 23°
  • $ 89,7
  • 97,1

Тимир суол Хаандыгаҕа тиийиэ дуо?

15:02, 11 апреля
Текст:
Хаартыска: Саха парламент саайта
Читайте нас на
Яндекс Новости
ЯДВ

Уһук Илин социальнай-экэнэмиичэскэй сайдыытын национальнай бырагырааматыгар 2035 с. диэри Аллараа Бэстээхтэн Хаандыгаҕа диэри тимир суолу тутарга өрөспүүбүлүкэ этии киллэрбит даҕаны, хомойуох иһин билиҥҥитэ федеральнай кииҥҥэ өйөөбөтөхтөр.

РФ Тырааныспарын министиэристибэтигэр Аллараа Бэстээхтэн Магадааҥҥа диэри (ол иһигэр бастакы түһүмэҕэ Хаандыгаҕа тиийиэхтээх этэ) тимир суол уонна Алдан өрүһү туоруур массыына, тимир суол күргэтин тутуутун бырайыага ааспатах.

Дьокуускайтан Хаандыгаҕа диэри суол аҥаара аспаалланна, онон массыына аҕыйах чааһынан элэҥнэтэн тиийэр сиригэр тимир суолу тутуу туһаны аҕалара саарбах курдук. Бу эҥэр нэһилиэнньэ ахсаанын учуоттаан көрүүнэн, пуойаһынан элбэх киһи айанныа суоҕа. Дойду киин эрэгийиэннэригэр биир куоракка хас да мөлүйүөн киһи олорор, оттон Саха Сирин нэһилиэнньэтэ хас да төгүл кыра, ол иһин өрөспүүбүлүкэ иһигэр тимир суолу тутуу ночооттоох. Онон бырайыак билиҥҥитэ тохтотуллан турар, суруйда Саха парламент саайт.

Следите за самым важным и интересным в Telegram-канале и WhatsApp-группе ЯСИА