25 От ыйа 25.07
  • 18°
  • $ 86,55
  • 94,38

Тхэквондоҕа кыайыылаахтар билиннилэр

16:38, 14 июля 2016
Читайте нас на
Яндекс Новости
ЯДВ

Кыргыттар уонна уолаттар ортолоругар тхэквондоҕа түмүктүүр күөн көрүһүүлэр буоллулар. Манна 25 дойду спортсмена кииристэ. Финалга Саудовскай Аравия, Казахстан, Кыргызстан, Урал, Сибиир федеральнай уокуруктар, Корея, Китай, Вьетнам уонна Саха сирэ бастыҥтан бастыҥнара, чулууттан чулуулар күрэхтэстилэр.


55 кг. диэри ыйааһыҥҥа уолаттар ортолоругар киирсии – болҕомто эргийэр киинигэр турда. Саудовскай Аравияттан кэлбит Бин Дохи Хасам Бандара Вьетнам спортсменыттан кыайыыны мүччү туттарыыта бу көрүҥү сөбүлээн көрөөччүлэри долгутта.

Саудовскай Аравия спортсмена Казах уолун Ерасул Бикбулатовы кытта күөн көрсүүтүгэр тренердэрэ судьуйа быһаарыытын хаста да утара, мөккүһэ сырыттылар. Казах ордуга, бэлэмнээҕэ өттө, кини 4:3 ахсаанынан кыайда. Боруонса мэтээл Фам Данг Куанга (Вьетнам) уонна Ли Сеуньгуҥҥа (Корея) тигистэ.

73 кг диэри ыйааһыҥҥа Парк Деокьеонг (Корея) барыларын куоһарда, оттон «үрүҥ көмүс» Чингиз Сандибаевка (Казахстан) тигистэ. «Боруонса» мэтээли Алияр Юбуров (Кыргызстан) уонна Ли Хеньгуанг (Кытай) үллэһиннилэр.

«Миигин тхэквондоҕа аан бастаан эбээм өссө быыкаа эрдэхпинэ аҕалбыта. 2009 сылтан бэттэх күүскэ дьарыктанабын. Казахстан, Корея спортсменнара ордук чаҕылхайдарын бэлиэтиэх этим. Кыһыл көмүс мэтээлгэ дьулуһуулаах кэлбитим, ол эрээри боруонсаны ыллым. Олипиадаҕа тиийэн дойдум чиэһин көмүскүүр ыра санаалаахпын», — диэн Алияр Юбуров СИА-ҕа кэпсээтэ.

Кыргыттарга 49 кг. диэри Кан Бо Ра (Корея) барыларын баһыйда. Иккис миэстэҕэ Евгения Южакова (Урал ФУо) тигистэ. Үһүскэ — Хо Ти Ким Нган (Вьетнам) уонна Кол Бут Сани (Камбоджа).

63 кг диэри Диана Макиевская (Сибиир ФУо) кыайда, киниттэн биир ахсаанынан хаалан, Джин Га Ён (Корея) иккис буолла. Анита Яковлева уонна Аина Забровская (Саха сирэ) үһүс буоллулар

Диана Макиевская Дьокуускайга кыайар бигэ санаалаах кэлбитин СИА-ҕа эттэ. «Корея хамаандаата төһө да күүстээҕин иһин, Сибиир мөлтөҕө суоҕун мин бүгүн көрдөрдүм«, — диир кини.

Тхэквондоҕа Саха сирин ыстаарсай судьуйата Павел Осипов Саха сирин спортсменнара боруонса мэтээли ылбыттара куһаҕана суох көрдөрүү буоларын чиҥэтэн этэр.

«Күрэстэһээччилэр, утарсааччылар күүстээхтэрэ бэрт. Хас биир ахсаан иһин спорсменнар муҥутуур кыахтарынан кииристилэр. Быйылгы Оонньууга Корялар чахчы ордуктарын көрдөрдүлэр”, — диир кини.

Следите за самым важным и интересным в Telegram-канале и WhatsApp-группе ЯСИА
Тутаах тыллар