11 Атырдьах ыйа 11.08
  • 16°
  • $ 60,45
  • 61,7

Саха сириттэн Игнатий Егоров тхэквондоҕа үһүс төгүлүн Арассыыйа чемпионатын кыайда

Тхэквондо пхумсэ көрүҥэр Арассыыйатааҕы чемпионат Хабаровскайга спортивнай комплекска ыытылынна, манна Саха сириттэн сылдьар Игнатий Егоров кыһыл көмүс мэтээл хаһаайынынан буолла. 45 саастаах Игнатий үрдүкү наҕарааданы номнуо үһүс төгүл, урут 2018 уонна 2019 сылларга кыайа сылдьыбыта, диэн Спорт Якутии иһитиннэрэр.

Пхумсэ-техническэй комплекс, маныаха спортсмен блоктары, охсууну, хамсааһыны утарсааччыта суох оҥорор. Тхэквондистар охсууну иккиэн эбэтэр үһүөн көрдөрүөхтэрин сөп. Күрэхтэһии араас саастарынан ыытылынна — 14-17, 18-30, 31-40 уонна 41-50 диэри.

Игнатий Егоров тхэквондонан дьарыктаммыта 30- ча сыл буолбут-кини Илиҥҥи единоборство искусствотыгар үөрэҕи Дьокуускайга саҕалаабыт, өрөспүүбүлүкэҕэ биллэр тренер Дмитрий Федоров үөрэнээччитэ буолар. Красноярскайдааҕы художественнай институкка үөрэнэ сылдьан, тхэквондоҕа кыраай чемпиона буолбута. Саха сирин чемпионатыгар кыһыл көмүс мэтээлин кыайбыта, Арассыыйа тхэквондоҕа ITF чемпионатын призера.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар