28 Кулун тутар 28.03
  • -12°
  • $ 92,59
  • 100,27

Тас дойдулар СМИ-лара Саха сирин туһунан санааларын эттилэр

Фото: Мария Васильева, ЯСИА
Читайте нас на
Яндекс Новости
ЯДВ

Хас да тас дойдулар СМИ-ларын бэрэстэбиитэллэрэ килиимэт уонна ирбэт тоҥ туһунан норуоттар ардыларынааҕы кэмпириэнсийэҕэ кытталлар. Тэрээһин Дьокуускайга ыытыллар.

Кинилэр бу тиэмэ глобальнай бэбиэскэ буоларын уонна улахан болҕомтону эрэйэрин эттилэр. Оттон Саха сирин килиимэт кыһалҕаларын быһаарыыга уопута ураты уонна интэриэһинэй, диэтилэр.

Тиэмэни толору сырдатыы медиа-эйгэ бэрэстэбиитэллэрин сүрүн соруктара, диир Монголия суруналыыһа Кугершин Хуанган. «Учуонайдар этэллэринэн, сылыйыы Монголияҕа улаханнык дьайбат. Ити эрээри кылгас сайын, аҕыйах хаар, кыһын тымныы буоллаҕына бу биллэр. Килиимэти иһиттэн үөрэтээри Дьокуускайга кэллибит. Манна биһиги дьиэлэр сыбаайаларга туралларын көрдүбүт. Биһиэхэ эмиэ тымныы буолар, сорох оройуоттарга -50 кыраадыска тиийэр. Саха сирин практикатын Монголияҕа киллэрдэххэ, дьиэлэр өссө уһуннук туруох эбиттэр», — диэтэ суруналыыс.

India Today медиахолдинг суруналыыһа Аджит Сингх эмиэ кэмпириэнсийэҕэ кыттар: «Килиимэт уларыйыыта Индия регионнарыгар биллэр. Сезонунан ардыыр, кыһын бириэмэтигэр кэлбэт. Эрдэ хаар түһэрэ, билигин ол суох. Дьокуускайга элбэх уратыны көрдүм. Мин билэр этим бу тымныы оройо буоларын. Ону илэ харахпынан көрдүм. Бу миэхэ ураты уопут буолар. Бу тымныыны кытта хайдах олороллорун билэр интэриэһинэй», — диэтэ кини.

Сиһилии https://ysia.ru/zarubezhnye-smi-podelilis-vpechatleniyami-o-yakutii/

Следите за самым важным и интересным в Telegram-канале и WhatsApp-группе ЯСИА