21 Алтынньы 21.10
  • -5°
  • $ 71,88
  • 83,09
Поделиться:

Тамалакааҥҥа сири кытта үлэни "Барча" хаһаайыстыба саҕалаата

13:02, 12 октября
Текст:

Үөһээ Бүлүү улууһун Тамалакаан нэһилиэгин “Кур от” диэн алааһыгар саҥа мульчеры үлэлэтэн көрдүлэр. Саха сиригэр маннык тэрил маҥнайгытын бэрэбиэркэни ааста, суруйар https://www.instagram.com/admvervil/

«Барча» ТХПК салайааччыта Семен Барчахов бу саас Пермь куорат собуотуттан YM FOREST-140 диэн дулҕа кырбатар мульчеры атыылаһан аҕалбыта. Анаан-минээн «Беларус» тыраахтырга сөп буолар гына уларыттаран оҥотторбут. Тэрил бэйэтин бары өттүттэн үчүгэйдик көрдөрбүт.

Сонун тэрили Кэбээйиттэн Мукучу нэһилиэгин «Сайылык» ТХПК кэлэн, болҕомтолоохтук сыныйан көрдүлэр.

Сатаан оттоммот буолбут, дулҕанан, талаҕынан үүммүт, быраҕыллыбыт сири хорутан, чөлүгэр түһэрии үлэлэрэ хас улуус аайы ыытылыннахтарына, элбэх ходуһа сирэ тахсыа этэ. Билигин бу мульчеры элбэх хаһаайыстыба туһанарыгар сөптөөх докумуон үлэлэрэ барыахтара.

Ходуһа оҥоруутугар саҥа тэрил хайдах үлэлиирин, күҥҥэ төһө кыамталаах үлэни оҥорорун мээрэйдии, суоттуу Өрөспүүбүлүкэтээҕи сири оҥоруу сулууспа тэрилтэ уонна региональнай сыана оҥорор киин үлэһиттэрэ кэллилэр.

Ааптар: Валерия Золотарева, Александр Адамов, «ХОТУН БҮЛҮҮ» ТВ.

0
0
21 октября 21.10
  • -5°
  • $ 71,88
  • 83,09