«Бу сиргэ кыра күөл эбэтэр үрүйэ баар буолуон сөп. Сир кырыһа поршень курдук буолан, хайдыбыт сиринэн буору анньан таһаарар, уу үтэйэн. Үөһэ салгыҥҥа тахсан тымныыга тута тоҥор. Видео ааптара этэр гааһа, сабаҕалыырбынан, метан араас микроорганизмнар үлэлииллэрин кытта сибээстээх. Ити эрээри кини концентрацията салгыҥҥа элбэх буолбат, дьон доруобуйатыгар кутталы үөскэтэр курдук», – диэтэ Никита Тананаев.
Учуонай этэринэн, маннык көстүү сэдэх, ити эрээри сотору кэминэн элбиэн сөп.
«Элбэх баара буоллар социальнай ситимнэргэ хаартыска, видео элбэх буолуохтааҕа. Ити эрээри дьон сылдьыбат сиригэр баар буолуон сөп. Биричиинэтэ ирбэт тоҥ ириитэ улаатар, сир кырыһа хойут тоҥор, ордук намыһах сирдэргэ. Онон инникитин маннык көстүү элбиэн сөп», – диэтэ кини.
