Тааттаҕа сайыҥҥы бааһынай ырыынак бэс ыйын 19 күнүгэр арыллара былааннанар. Бу күннэргэ тыа хаһаайыстыбатын управлениетын үлэһиттэрэ уонна ветеринардар түмсэн, эбийиэги ситэриигэ субуотунньукка таҕыстылар.
Тааттатааҕы бааһынай ырыынагар тыа хаһаайыстыбатынан дьарыктанар оҥорон таһаарааччылар сибиэһэй астарын-үөллэрин таһаарыахтара. Биирдиилээн дьон үүнээйилэрин, сир аһын, оҕуруот аһын сиэмэлэрин, сибэккилэри, оту-маһы атыылааччылар кэлэн туруохтара.
Улуустааҕы агропромышленнай комплекс профсоюһун үлэһиттэрин кэмитиэтин бэрэссэдээтэлэ Гаврил Кычкин уонна ветуправление ППО бэрэссэдээтэлэ Арсен Винокуров субуотунньугу тэрийдилэр. Манна нэһилиэктэн тыа хаһаайыстыбатын исписэлиистэрэ кэлбиттэрэ киһини үөрдэр. Үлэҕэ уопуттаах, тыа хаһаайыстыбатыгар өр сылларга үлэлээбит бэтэрээн үлэһит Маргарита Соломонова Уолбаттан, Күннэй Турнина Тыараһа нэһилиэгиттэн кэлэннэр күүс-көмө буоллулар.
Ырыынак салайааччыта Игорь Васильев үлэлиир тэрилинэн, кырааскаларын, астарын, ууларын бэлэмнээн дьаһайдылар.
Бааһынай ырыынага сыыйа ситэн-хотон, сылы эргиччи үлэлиир кыахха киирэрин туһугар ТХУ начальнига Михаил Хаптагаев үлэлэһэ сылдьар, суруйар https://www.instagram.com/gazetataatta/
