Тааттатааҕы предпринимателлэри өйүүр киин көҕүлээһининэн, аквапечать ньыматынан араас туттар тэриллэргэ, миэбэлгэ, тырааныспарга, о.д.а. ойуу түһэрэргэ оҕолору үөрэтии тэрилиннэ.
2016 сылтан бизнес-инкубатор резиденэ, предприниматель, аквабэчээти баһылаабыт Федот Мосоркин оҕолорго маастар-кылаас көрдөрдө. Кини өҥөлөрү оҥоруу эйгэтигэр 2015 сылтан үлэлиир.
Бу сырыыга урбаан саҥа көрүҥэр үөрэххэ 19 оҕо кытынна, интэриэһинэй дьарык туһунан истэн, дьарыктанан бардылар. Сорохтор сакаас биэриэх буоллулар. Ити курдук предпринимательство уонна үөрэҕирии эйгэтэ бииргэ үлэлэһэн улуус оҕолоругар оскуола саҕаттан урбаан эйгэтин кытта билиһиннэрии үлэтэ салҕанан барар.
