19 От ыйа 19.07
  • 17°
  • $ 87,88
  • 96,1

Тааһаҕарга саҥа оскуола тутуллан үлэҕэ киириитин 12 сыл күүттүлэр

10:01, 11 марта 2021
Текст:
Читайте нас на
Яндекс Новости
ЯДВ

2008 сыллаахха Тааһаҕар оскуолатын дьиэтэ хаарбах уонна саахалланар туруктаах буолан сабыллыбыта. Өр сылларга оҕолор биэс сиринэн тарҕанан билиини-көрүүнү ыларга күһэллибиттэрэ. Оҕолор да, учууталлар да эрэйэдэнэллэрэ, төрөппүттэр мунчаараллара. Билигин кинилэр саҥа оскуолаланнылар.


Тааһаҕар салалтата, дьоно-сэргэтэ саҥа оскуола тутуутун элбэх сыл туруорсубуттара, араас таһымнаах мунньахтарга этинэ сатаабыттара. Хамсааһын 2015 сыллаахха саҕаламмыта. Оройуон Сэбиэтин дьокутааттара уочараттаах сессияларыгар оскуола сыбаайаларын түһэриигэ, баайыыга үбүлээһини көрбүттэрэ. Манна төрөөбүт Тааһаҕарыттан оройуон Сэбиэтин дьокутаата, Бүлүүтээҕи электрическэй ситим тэрилтэтин начаалынньыга Егор Константинов, үһүс ыҥырыылаах оройуон Сэбиэтин дьокутааттара үтүөлээхтэрин бэлиэтиэххэ сөп. Улуус дьаһалтатын, чуолаан, баһылык Сергей Винокуров уонна управлениеларын, чуолаан, улуус тутууга управлениетын кэлэктиибин үтүөлэрин, элбэх сыраларын биэрбиттэрин ахтар тоҕоостоох.

Үп көрүллэн, оскуола тутуутун үлэтэ 2016 сыл сааһыгар саҕаламмыта. Анатолий Заболоцкай салайааччылаах «СТК» ХЭУо сыбаайалары түһэриигэ, баайыыга 25,9 мөл. солк. суумалаах үлэни ыыппыта. Тэрилтэ тутуу бастакы түһүмэҕин бэрт тэтимнээхтик түмүктээбитэ.

Тутуу иккис түһүмэҕэ үбүлэнэн, үлэ 2018 сыллаахха салҕаммыта. Василий Пинигин салайааччылаах «Электромонтаж» ХЭУо таас дьиэ холлоҕоһун, үрдүн туппута.

Үһүс түһүмэх – иһин-таһын оҥорууну эмиэ аукциоҥҥа кыайан, «СТК» ХЭУо ыыппыта уонна 2020 сыл балаҕан ыйыгар оскуола тутуутун түмүктээбитэ.

Оскуола дьиэтэ кэмигэр арыллыаҕын хамсык дьаҥа өрө туран “атахтаабыта”. 12 сыл анал оскуола дьиэтэ суох олорбут Тааһаҕар нэһилиэгин үөрэнээччилэрэ бары санитарнай ирдэбили тутуһан, оскуола боруогун атыллаан, саҥа оскуолаҕа үөрэнэ киирбиттэрэ.

Тааһаҕар ортотугар турар саҥа оскуола дьиэтэ ыраахтан баараҕай тутуу буолан көстөр. Икки мэндиэмэннээх оскуола 3 тыһ. кв. м тахса иэннээх, таас дьиэ аныгы ирдэбиллэргэ толору эппиэттиир, диэн суруйда Николай Куприянов «Олох суола» хаhыат инстаграм-сирэйигэр.

Следите за самым важным и интересным в Telegram-канале и WhatsApp-группе ЯСИА