25 Тохсунньу 25.01
  • -48°
  • $ 73,82
  • 83,32

Таҥаһы-сабы, түүлээҕи бэлэмнээһиҥҥэ саҥа кластер тэриллиэҕэ

Саха сиригэр таҥаһы-сабы тигиигэ, түүлээҕи бэлэмнээһиҥҥэ саҥа кластер арыллыаҕа. Бу кластер булчуттары, сылгыһыттары, кыылы-сүөлү иитэр кыра хаһаайыстыбалары о.д.а. чэпчэки быраамысыланнаска сыһыаннаах тэрилтэлэри барыларын бииргэ түмүөҕэ. Манна баһылыыр-көһүлүүр тэрилтэнэн “Сахабулт” буолуоҕа.

СӨ бырабыыталыстыбатын бэрэссэдээтэлэ Андрей Тарасенко биэдэмистибэлэр икки ардыларынааҕы оробуочай бөлөх мунньаҕар бэлиэтээбитинэн, Саха сирэ чэпчэки быраамысыланнаһын хайа баҕарар сайыннарар, аан дойдуга таһаарар кыахтаах.

Саха сирэ тириини таҥастааһыҥҥа, түүлээҕи бэлэмнээһиҥҥэ баай уопуттаах. Чэпчэки бырамыысыланнас Саха сиригэр инники күөҥҥэ сылдьар биир бастыҥ эйгэ буолуохтаах. Онуоха биһиги сыалбыт-сорукпут диэн маастардары барыларын бииргэ түмэн, саҥа технологиялары киллэрэн кинилэр үлэлиир усулуобуйаларын тэрийиэхтээхпит. Манна соҕотуопкалааһын, табаары оҥорон таһаарыы, ону батарыы улахан оруоллаах, – диэн иһитиннэрэр кини.

Кластеры тэрийиигэ туһааннаах министиэристибэлэр, биэдэмистибэлэр бары кыттыһыахтара. Холобур, Үөрэх уонна наука министиэристибэтэ кластер сорудаҕынан исписэлиистэри бэлэмнээһиҥҥэ ылсыаҕа. РФ бырамыысыланнаһын уонна атыытын министиэристибэтин көмөтүнэн, өрөспүүбүлүкэ сыахтарга анаан саҥа оборудование атыылаһыаҕа. СӨ бырабыыталыстыбата кииһинэн, сылгынан, табанан дьарыктанар хаһаайыстыбалары, түүлээҕи, тирии таҥаһы тигэр дьону, ону сэргэ булчуттары өйүөҕэ.

Аграфена КУЗЬМИНА

edersaas.ru

0
0
25 января 25.01
  • -48°
  • $ 73,82
  • 83,32