21 Алтынньы 21.10
  • -5°
  • $ 71,88
  • 83,09
Поделиться:

Түүр сэттэ Бикипиэдьийэтэ күрэс ыытар. Кыттыҥ!

Бэс ыйын 1 күнүттэн биир ый тухары Сахалыы Бикипиэдьийэҕэ түүрдэр тустарынан ыстатыйалары суруйууга күрэс биллэриллэр. Ким саамай элбэх ыстатыйаны суруйбут ол кыайыылаах тахсар. Тиэмэтэ хайаан да түүрдэргэ быһаччы сыһыаннаах буолуохтаах. Холобур, түүр дойдуларын, куораттарын, биллиилээх дьонун, тылларын тустарынан суруйуохха сөп. Ыстатыйаны ханна да ыыппаккыт, Бикипиэдьийэ саайтыгар бэйэҕит бэчээттиигит.


Түүр сэттэ Бикипиэдьийэтэ күрэһин тэрийэр бөлөх аатыттан Сахалыы Бикипиэдьийэ дьаһабыла Ньукулай Халан иһитиннэрбитинэн, бирииһи Түүр биикиһиттэрин бөлөҕө үбүлүүр. Бириис пуондатын кээмэйэ 22 200 солк. «Биэс бастыҥы быһаарыахпыт. Кыттаҥҥыт сахалыы билии-көрүү аан ситимҥэ элбииригэр көмө буолуҥ!«, — диир кини.

Ким баҕарар кыттара көҥүл.

Тэрийэр бикипиэдьийэлэр: Азербайджан, Башкиир, Казаах, Саха, Татаар, Тыыба, Туурак. Тиэмэ бу омуктарынан эрэ муҥурдаммат, холобур алтаайдар, хакаастар тустарынан эмиэ суруйуохха сөп.

Ыстатыйаҕа ирдэбиллэри кытта манна сиһилии билсиҥ: https://sah.wikipedia.org/wiki/Бикипиэдьийэ:Түүр_марафона_2020

0
0
21 октября 21.10
  • -5°
  • $ 71,88
  • 83,09