Саха сиригэр сыыппара ID туттуллуута кэҥээн иһэр. Бу сиэрбис киһи туһунан иһитиннэриини сыыппара киэбинэн бигэргэтэр. Ол туһунан Саха Өрөспүүбүлүкэтин инновацияҕа, сыыппара сайдыытыгар уонна инфокоммуникационнай технологияларга министиэристибэҕэ иһитиннэрдилэр.
Бастакы түһүмэххэ сиэрбис Дьокуускай куорат хас да гостиницатыгар үлэтин саҕалаата:
— «Триумф» гостиница;
— AZIMUT отель;
— «Лайнер» гостиница;
— «Тыгын Дархан» гостиница.
МАХ мессенджерга сыыппара ID — QR-куод көмөтүнэн сыһыарыыга киһи сааһын, тус бэйэтин эбэтэр чэпчэтилээх статустарын туоһулуур сиэрбис. Бу төлөпүөҥҥэр куруук илдьэ сылдьар кумааҕы докумуоннар сыыппараҕа кубулуйбут көрүҥнэрэ.
«Сыыппара ID — табыгыстаах сиэрбис, күннээҕи олоххо киирэн иһэр. Сиэрбис номнуо Дьокуускай куорат хас да гостиницатыгар үлэлиир. Кэлэр кэмҥэ култуура эйгэтигэр, атыы-эргиэн уонна да атын тэрилтэлэргэ киллэрэр былааннаахпыт. Олохтоохтор сыыппара технологиялары түргэнник, табыгастаахтык уонна куттала суох туһанара олус суолталаах” — диэн миниистир Петр Николаев бэлиэтээтэ.
Министиэристибэҕэ бэлиэтээбиттэринэн, Саха сиригэр сыыппара ID сиэрбиһы киллэрии уонна кини туттуллар эйгэтин кэҥэтии үлэтэ салҕаныаҕа.
Тылбаас: Артур Харбанов
