13 От ыйа 13.07
  • 18°
  • $ 87,74
  • 95,76

Сыл саҕаланыаҕыттан өрөспүүбүлүкэ үрдүнэн 60-тан тахса баһаар бэлиэтэннэ

13:02, 12 января 2021
Текст:
Читайте нас на
Яндекс Новости
ЯДВ

Сыл саҕаланыаҕыттан өрөспүүбүлүкэ үрдүнэн 61 баһаар бэлиэтэннэ. МЧС Саха сиринээҕи салаата иһитиннэрбитинэн, баһаардар уоту, оһоҕу, уотунан барар тэриллэри сэрэҕэ суохтук, сыыһа туттууттан барбыттар.


Тохсунньу 1 күнүгэр Дьокуускайга икки баһаар түмүгэр икки киһи өлүүтэ тахсыбыт. Итинтэн биирэ табахтан барбыта быһаарыллыбыт. Тохсунньу 6 күнүгэр Хаҥалас улууһугар тахсыбыт улахан баһаар түмүгэр 12 тиэхиньикэ, гараас уокка былдьаммыттар. Тохсунньу 7 күнүгэр Горнайга киһи дьалаҕайыттан гараас, тыраахтыр умайбыттар, буруйдаах илиитин, төбөтүн уокка сиэппит.

Сыл саҕаланыаҕыттан баһаарынайдар үс киһини уоттан быыһаатылар итиэннэ 100-тэн тахса киһини уот турбут сириттэн куоттардылар. Тохсунньу 10 күнүгэр Дьокуускайга Горькай уулуссатыгар элбэх этээстээх дьиэҕэ турбут баһаары бохсууга 10  тиэхиньикэ, 37 Дьокуускайдааҕы баһаарынай-быыһыыр гарнизон үлэһиттэрэ үлэлээтилэр.

Следите за самым важным и интересным в Telegram-канале и WhatsApp-группе ЯСИА
Тутаах тыллар