Хаҥалас-Суотту икки ардынан мууһунан суолу тырааныспар бары көрүҥэр билигин даҕаны сабыллан турар. Суол сулууспалара түспүт хаары ыраастыы, айаҥҥа бэлэмнии сылдьаллар. Онон өрүһү туорааһын аһыллыбытын да кэннэ, айаҥҥа көҥүллэнэр ыйааһыны намтатыахтара, бу туһунан тустаах биэдэмистибэҕэ иһитиннэрдилэр диэн СИА кэпсиир.
«Билиҥҥи кэмҥэ исписэлисстэр объезтыыр суоллары бэлэмнииллэр. Айан суолун сотору кэминэн аһаллара былааннанар, ол эрээри чопчу болдьохторо чуолкайдана илик. Таһаҕаһы тиэйии кээмэйин 40-тэн 20 туоннаҕа диэри намтыахтара. Объезтыыр сиринэн муус чараас, ол иһин улахан ыйааһыннаах массыыына ааһар кыаҕа суох»,-диэн СӨ Управтодор пресс-сулууспата иһитиннэрдэ.
Санатан эттэххэ, муус устар 4 күн киэһэ Хаҥалас-Суотту икки ардынан мууһунан суол бары тиэхиникэҕэ сабыллыбыта.
