Суоппардар MAX мессенджер нөҥүө суоппар быраабын уонна тырааныспар регистрациятын туһунан сибидиэтэлистибэни (СТС) электроннай көрүҥүнэн көрдөрөр кыахтаныахтара.
Докумуоннары көрдөрөргө суоппарга MAX сыһыарыыга киирэн QR-коду Госавтоинспекция үлэһитигэр көрдөрүөххэ эрэ наада буолуоҕа. Суоппар уонна тырааныспар туһунан иһитиннэрии аналлаах техническэй тэрил нөҥүө бэрэбиэркэлэнэр.
Саҥа өҥө смартфонынан суоппар быраабын уонна СТС чахчы буолуутун бигэргэтэргэ кыах биэриэҕэ. Электроннай форматынан докумуоннары бэрэбиэркэлииргэ дьайыылар ахсааннарын аҕыйатан, судургутутан суоппардар уонна Госавтоинспекция үлэһиттэрин икки ардыларыгар алтыһыы түргэн уонна табыгастаах буоларын ситиһэр соруктаах.
«Цифровой өҥөлөр күннээҕи олохпутугар киирэн, үлэни түргэтэтэргэ уонна табыгастаах гынарга көмөлөһөллөр. Докумуоннары смартфонынан көрдөрөр кыах — гражданнарға табыгастаах цифровой эйгэни тэрийии диэки өссө биир хардыы буолар», — диэн Саха Өрөспүүбүлүкэтин инновацияҕа, цифровой сайдыы уонна инфокоммуникационнай технология миниистирэ Петр Николаев бэлиэтээтэ, суруйда Саха сирэ саайт.
