Кэҕэ этэрэ — саха омукка былыр-былыргыттан ураты суолталаах, дириҥ ис хоһоонноох. Саас кэлиитин бэлиэтэ. Кэрэ куолаһынан айылҕаны уһугуннарар, дьону-сэргэни үлэҕэ көҕүлүүр, диэн кырдьаҕастар эттилэр.
«Бүгүн сарсыарда 9 чааһы ааһыыта таһырдьа сырытахпына, ол куула тыаттан кэҕэ этэрэ иһилиннэ. Быйыл бастыкы кэҕэ эттэ. Наһаа эрдэ эттэ дии санаатыбыт. Наһаа үчүгэйдик иһиллэр. Чугастык. Уһултардым», — диэн бэҕэһээ Мария Кириллина СИА-ҕа кэпсээтэ.
Эрдэ этэр кэҕэни сахалар үксүгэр үчүгэйгэ, ситиһиигэ, дьоллоох буолууга түстүүр көстүү быһыытынан ылыналлар.
