Дьокуускай куоракка «Сахатранснефтегаз» хампаанньа массыыналары гааһынан саппараакалыыр станцияларыгар уматыктара бүтэн, «ЯТЭК»-тар («Якутская топливно-энергетическая компания») күннээбиттэрэ.
«СТНГ» Бүлүүлүүр, Намныыр суолларга уонна Автодорожнай уулуссаларга баар станцияларыгар гаас уматык бүтэн, саппараапкалар биллибэт болдьоххо сабыллан массыыналаах дьон ортолоругар араллаан, саппараапкаларга улахан уочарат тахсыбыта.
Гаас хаһан атыыга тахсыаҕын туһунан «Сахатранснефтегаз» ААУо пресс-сулууспатыттан сураспыппытыгар, алтынньы 1 күнүттэн атыыланарын туһунан эрэннэрбиттэрэ. Ол эрээри ити этиллибит болдьох иннинэ, номнуо балаҕан ыйын 17 күнүгэр хампаанньа станцияларыгар гаас уматыгынан саппараапкалаан саҕалаата.
