27 Тохсунньу 27.01
  • -48°
  • $ 73,82
  • 83,32

Сордоҥнооххо эмчиттэр күрэхтэрэ

Өймөкөөн улууһун Сордоҥноох уонна Үчүгэй нэһилиэктэригэр соторутааҕыта бэрт сэргэх, сонун тэрээһиннэр буоллулар.


Ол курдук, аан дойдутааҕы Медицинскэй сиэстэрэ күнүн чэрчитинэн Сордоҥноох учаастактааҕы балыыһатын үлэһиттэрин көҕүлээһининэн уонна тэрийиитинэн нэһилиэккэ маҥан халааттаах аанньаллар күрэхтэрэ ыытылынна. Күрэххэ Томтор нэһилиэгиттэн икки хамаанда, Өймөкөөнтөн уонна Сордоҥноохтон биирдии хамаанда алта түһүмэххэ күрэс былдьастылар. Эмчит идэтин талбыт кэрэ аҥардар сахалыы национальнай таҥастарын кэтэн, симэхтэрин симэнэн сценаҕа тахсан хааман наскылдьыстылар, авангарднай да муодаттан туора турбаттарын дакаастаатылар. Аны туран талааннарын көрдөрөн ыллам ырыаны, кэрэ үҥкүүнү көрөөччүгэ бэлэхтээтилэр. Бары да дьиэ хаһаайкалара буолалларынан, эгэлгэ аһы астаан, саамай “Оригинальнай бүлүүдэ” түһүмэххэ сатабылларын көрдөрдүлэр. Идэлэригэр аналлаах түһүмэххэ кыттааччылар идэлэрин ис дууһаларынан талбыттарын кэрэһилээтилэр.

Күрэххэ кэрэхсэбиллээҕэ диэн бу аҕыйах нэһилиэнньэлээх, кытыы сытар нэһилиэккэ баар уопсастыбаннай түмсүүлэр, тэрилтэлэр уонна олохтоох дьаһалта спонсордаан кыайыылаахтар бары бэртээхэй бириис тутан үөрдүлэр-көттүлэр. Гран-при хаһаайынынан Томтор учаастактааҕы балыыһатын бастакы хамаандата буолла. Онтон бастакы миэстэни сордоҥноохтор, иккиһи Өймөкөөн нэһилиэгин хамаандата уонна үһүс миэстэни Томтор иккис хамаандата ыллылар.

0
0
27 января 27.01
  • -48°
  • $ 73,82
  • 83,32