Кыылга эппиэтинэстээх сыһыан туһунан федеральнайдааҕы сокуоҥҥа ситэтэ суох өрүттэр бааллар, онон көннөрүүлэр киириэхтэрин наада. Ол туһунан ВГТРК ханаалыгар Ил Дархан Айсен Николаев быһа эфир кэмигэр эттэ.
Айсен Николаев бэлиэтээбитинэн, Саха сиригэр уонна Забайкальеҕа быһылааннар буоллулар. Ыт ытырбытын туһунан иһитиннэрии киирэ турар. Бу боппуроуска, өрөспүүбүлүкэ баһылыга чопчулаабытынан, киһи олоҕо инники күөҥҥэ тутуллуохтаах.
Билигин үлэлиир федеральнайдааҕы сокуоҥҥа ситэтэ суох өрүттэр бааллар, онон көннөрүүлэр киириэхтэрин наада. Кини санаатыгар, буруйу муниципальнай салалтаҕа эрэ түһэрии — сыыһа, тоҕо диэтэххэ регионнар аайы усулуобуйа тус-туспа. Холобур, Москваҕа ыты стерилизациялаан баран ыыттахха, олох атыннык туттуоҕа, оттон Дьокуускайга 50 кыраадыс тымныыга — олох атын буолуоҕа.
«Кинилэр эмиэ олох туһугар охсуһуулара саҕаланар, сорох табаарыстар этэллэринии, кинилэр эйэҕэс кыыллар буолбатахтар. Онон сокуону ситэрэн биэрии, ырытыы хайаан да наада. Манна Ил Түмэн оҥорор сокуонун бырайыагын ситэрэн-хоторон биэрэн, салгыы үлэлэһэрэ наада », — диэтэ Айсен Николаев.
Эрдэ Саха сирин парламена кыылга эппиэтинэстээх сыһыан туһунан сокуоҥҥа көннөрүүлэри киллэрии туһунан бырайыак оҥороллорун суруйбуппут. Ону салгыы Госдуумаҕа киллэриэхтээхтэрэ этиллибитэ.
