«Сокол» алта бырысыаптаах квадроциклы Саха сириттэн анал байыаннай дьаһал буола турар сиригэр ыыттылар.
Техниканы бастаан Ростов-на-Дону тирэх пуунугар илдьиэхтэрэ, салгыы — анал байыаннай дьаһал буола турар сиригэр, саха байыастарыгар тиксэриэхтэрэ. Бэлиэтээтэххэ, ыытыллыахтаах 50 квадроциклтан 20-тэ эрдэ баран турар.
«Соколлары» кытта Саха сирин байыаннай сулууспалаахтарыгар өрөспүүбүлүкэ тэрилтэлэриттэн массыыналары уонна «Якутия с тобой» уопсастыбаннай тэрилтэ хомуйбут гуманитарнай көмөтүн биэриэхтэрэ.
