24 Ыам ыйа 24.05
  • -7°
  • $ 104,68
  • 115,6

Снайпер Иван Кульбертиновка Россия Геройа ааты иҥэриигэ илии баттааһын хомуйуллар

11:44, 11 марта 2020
Текст:

Өрөспүүбүлүкэҕэ «История өйдөбүнньүгэ» федеральнайдааҕы бырагыраама чэрчитинэн акция саҕаланна. Снайпер Иван Николаевич Кульбертиновка Россия Геройа ааты иҥэрэр туһунан сурук бэлэмнэнэн илии баттааһына хомуллар. Этии РФ оборуонаҕа миниистиригэр тириэрдиллиэхтээх. 


«Кыайыы 75 сылыгар история сөбө суох чахчыларын көннөрөр үлэни төһө кыалларынан ыыта сатыахтаахпыт. РФ Геройун аатын Улуу сэрии кыттыылааҕар Алима Абденановаҕа иҥэрилиннэ. Онон, дойдубутугар аат өлбүтүн кэннэ да иҥэриллэрэ олохтонно», — диэн акция тэрийээччилэрэ эттилэр.

Саха сирин олохтоохторун көҕүлээһиннэрин «Биир ньыгыл Россия» баартыйа бэрэссэдээтэлин регионнааҕы уопсастыбаннай приемнайыгар өйөөтүлэр.

Саха сирин үтүөлээх юриһа Вильям Иванов иһитиннэрбитинэн, бу боппуруоһу федеральнай таһымҥа таһаарыы сатаныан сөп. Манна дьон илии баттааһынын таһынан, Ил Дархан ыҥырыыта наада. Регион парламенын, регионнааҕы «Биир ньыгыл Россия» баартыйа салаатын, үрдүк статустаах уопсастыбаннай тэрилтэ, холобурга, Саха сирин норуоттарын Ассамблеятын санаалара эмиэ олус тутулуктаах.

«Госдумаҕа баар депутаттарбытыгар, сенатордарга, «Биир ньыгыл Россия» баартыйа салалтатыгар эмиэ этиэхпитин наада. Кинилэр боппуруоһу быһаарыыга көмөлөрө улахан буолуоҕа», — диэн эбэн эттэ кини.

Сэрии  кэмигэр Иван Николаевич Кульбертинов 489 фашист саллаатын уонна эписиэрин суох оҥорбута, 30 снайперы бэлэмнээбитэ. Хорсунун уонна геройдуу быһыытын иһин Кыһыл Знамя, Албан аат, Улуу сэрии уонна Кыһыл сулус уордьаннарынан уонна «Хорсунун иһин», «Бойобуой өҥөлөрүн иһин» мэтээллэринэн наҕараадаламмыта.

Следите за самым важным и интересным в Telegram-канале и WhatsApp-группе ЯСИА
0
0