Кэбээйи улууһугар Сииттэ кыра нэһилиэгин олохтоохторо Кыайыыны уһансыыга бэйэлэрин күүстэрин киллэрсэллэр.
— Билигин биһиги олус түмүстүбүт. Бары биир киһи курдук анал байыаннай дьаһал барыта этэҥҥэ түмүктэнэригэр баҕарабыт. Блиндаж чүмэчитин оҥордубут, мааска-сиэткэ бэлэмнээтибит. Салгыы куоракка илдьиэхпит, штабка туттарыахпыт, — диэтилэр.
Сииттэ олохтоохторо СВО кыттыылаахтарын дьиэ кэргэттэригэр көмө-тирэх буолалларын эмиэ умнубаттар. Волонтердар куруук оттор мас бэлэмигэр, муус ылыыга, хаар ыраастааһыҥҥа көмөлөһөллөр.
РФ Президенэ Владимир Путин эрдэ бэлиэтээбитинэн, Россияҕа волонтердарынан уонна бэйэ баҕа өттүнэн көмөлөһөөччүлэринэн нэһилиэнньэ 25% хабыллар.
