17 От ыйа 17.07
  • 19°
  • $ 88,28
  • 96,26

Сиэмэ хортуоппуйу регион таһыттан аҕалыахтара

Читайте нас на
Яндекс Новости
ЯДВ

Тыа хаһаайыстыбатын министиэристибэтэ сиэмэ хортуоппуйу элбэтиллибит кээмэйинэн аҕалыыга эбии үбүлээһини көрөргө сорудах ылла. Саха сирин баһылыга Айсен Николаев «Россия24» ханаалга «Прямой разговор» биэриигэ бу туһунан эттэ, СИА суруйар. 

Айсен Николаев нэһилиэнньэ сүөһүнү уонна түргэнник ситэр салааны ылынарыгар өйөбүл баар буолуохтааҕын эттэ.

«Биһиэхэ улуустары чоппуускаларынан, сибиинньэ оҕотунана, сиэмэ хортуоппуйунан хааччыйыы куруук баара. Бу хайысхаҕа үлэни өссө күүһүрдүөххэ наада. Сиэмэ хортуоппуй Бааһынай ырыынагар атыыланар. Атыыһыттартан бу чахчы сиэмэ хортуоппуй буоларын туоһулуур докумуону көрдүөххэ наада. «Россельхозцентр» тэрилтэ бэрэбиэркэни куруук ыытар — бу уруккуттан олоҕурбут дьаһал», — диэтэ кини.

Кини тыа хаһаайыстыбатын министиэристибэтигэр сиэмэ хортуоппуйу өрөспүүбүлүкэ таһыттан элбэх кээмэйинэн киллэриигэ эбии үбүлээһини көрөрүгэр сорудахтаата.

«Быйыл сиэмэ хортуоппуйга наадыйыы былырыыҥҥыттан элбэх буолара өйдөнөр. Суһаллык дьаһанан аҕала охсуохха наада. Уопсайынан, быйыл нэһилиэнньэ түргэнник ситэр салаанан хааччыллыытыгар, оҕуруот аһын, үүнээйини олордуутугар улахан көмө оҥоруохтаахпыт», — диэтэ Ил Дархан.

Следите за самым важным и интересным в Telegram-канале и WhatsApp-группе ЯСИА