Дьокуускайга сэтинньи 4 күнүттэн элбэх оҕолоох ыаллар 1 — 11 кылааска үөрэнэр оҕолоро оптуобустарга босхо айанныахтара.
Уопсастыбаннай тырааныспарга оҕолор босхо айанныылларыгар анал каарталаах буолуохтара. Каартаны ыларга төрөппүттэр оҕолоро үөрэнэр оскуолаларыгар сайабылыанньа биэрэллэр.
Чэпчэтии куорат уонна куорат кытыытынааҕы маршруттарга көрүллэр. Каарта ыйга 96 босхо айаны биэрэр. Сууккаҕа 4 хайысханан айанныахха сөп.
