15 От ыйа 15.07
  • 26°
  • $ 87,74
  • 95,76

“Сэргэлээх уоттара” култуура киинигэр “Айыы аймах биһигэ» испэктээххэ ыҥыраллар

14:01, 27 декабря 2022
Текст:
Читайте нас на
Яндекс Новости
ЯДВ

Арассыыйа норуоттарын култуурунай нэһилиэстибэтин сылын чэрчитинэн, Саха Өрөспүүбүлүкэтэ тэриллибитэ 100 сылыгар анаан Сергей Зверев-Кыыл Уола аатынан Үҥкүү тыйаатыра, ахсынньы 29 күнүгэр киэһэ 6:30 чаастан “Сэргэлээх уоттара” култуура киинигэр “Айыы аймах биһигэ» испэктээххэ ыҥырар.

Бу дьыл саханы саха дэтэр оһуокайбыт Киһи аймах тылынан уонна өйүнэн айбыт  Арассыыйа култуурунай нэһилиэстибэлэрин чулуу айымньыта буолан билилиннэ.

Испэктээк саҕаланыытыгар аҕа баһылыкпыт Эллэй  салайар кэмэ, бастакы ыһыах тэриллиитэ, алгыс, оһуокай күн эргиирин устун хаамыылаах үҥкүүбүт көстөр.

Онтон 1922 сыл – Саха АССР тэриллиэҕиттэн күн бүгүҥҥэ дылы, уһун 100 сыллаах саха норуотун олоҕун остуоруйата.

Илья Петухов муусуканан киэргэтиитэ, Дария Григорьева — либретто ааптара уонна режиссер, Долаана Федотова, Людмила  Антипина, Юрий Федоров туруорааччы хореографтар, Екатерина Шапошникова сценографията уонна көстүүмнэрэ, Ангелина Лукина – научнай консультант.

Сүрүн оруолларга:

Эллэй – СӨ култууратын туйгуна Дьулустан Харлампьев

Үрүҥ Айыы Тойон –  Василий Эверстов

Айыыһыт –  СӨ култууратын туйгуна Саргылана Тарабукина

Иэйиэхсит – СӨ култууратын үтүөлээх үлэһитэ Лена Ким

Күрүө Дьөһөгөй – Сергей Алексеев

Ааныс –  СӨ култууратын туйгуна Ульяна Ядреева

Ньукуус – Сергей Алексеев

Удаҕан – СӨ култууратын туйгуна, Аан дойдутааҕы уонна Бүтүн Арассыыйатааҕы күрэх лауреата Валентина Аммосова

Уоллаах кыыс хомсомуоллар – Алексей Максимов, СӨ култууратын туйгуна Анна Попова

Мэхээс – Аан дойдутааҕы күрэх лауреата Капитон Ильин

Груня – Саяна Егорова

Оһуокай Уйбаан уобараһа – Семен Дьяконов

С.А.Зверев-Кыыл Уола уобараһа – народный артист РС(Я), заслуженный артист РФ и РС(Я) Афанасий Афанасьев.

Буолар сирэ: М.Аммосов аатынан ХИФУ“Сэргэлээх уоттара” култуура киинэ, билсэр тел.:  8-4112- 32-79-20

Онлайн–билиэт атыыта dancesakha.info, sakhaconcert.ru

Билиэт “Киин” к/т, Өксөкүлээх Өлөксөй аатынан Норуоттар доҕордоһууларын дьиэтин каассатыгар  атыыланар.

Следите за самым важным и интересным в Telegram-канале и WhatsApp-группе ЯСИА