24 От ыйа 24.07
  • 28°
  • $ 87,3
  • 95,46

Сэлии кырамтатын хомуйууга лицензия болдьоҕун Саха сиригэр уһатары эттилэр

09:01, 16 декабря 2022
Текст:
Читайте нас на
Яндекс Новости
ЯДВ

Сэлии кырамтатын хомуйууга лицензия болдьоҕун 1 сылтан 5 сылга диэри уһатары Ил Дархан Айсен Николаев «Роснедр» салайааччыта Евгений Петровы кытта көрсүһүүгэ эттэ. Өрүттэр Дьокуускайга буола турар «Промышленность и геологоразведка: сквозь 100-летия» форумҥа кэпсэттилэр.

Айсен Николаев эппитинэн, лицензияны сотору-сотору уларытыы сир аннынааҕы баайы хостооһунунан дьарыктанааччылары «хараҥа дьыала» ырыынагар тириэрдиэн сөп.

«Сир аннынааҕы баайы хостооһунунан дьарыктанааччылар быраап ылаарылар сылын аайы докумуоннарын тиксэрээри Дьокуускайга кэлиэхтээхтэр. Айылҕабыт уратытынан, сөмөлүөккэ билиэт ыараханынан, быстах уонна үп кыһарҕанынан тустаахтар «хараҥа дьыала» ырыынагар хайыһыахтарын сөп», – диэтэ өрөспүүбүлүкэ баһылыга.

Кини  «О недрах» РФ сокуонугар уларытыылары киллэрэри көҕүлээтэ. 2021 сылга киллэриллибит уларыйыыларынан, лицензия болдьоҕо 1 сылга диэри кылгатыллыбыта.

Евгений Петров этиини федеральнай таһымҥа көрүллэрин эттэ.

Сэлии кырамталара Усуйаана, Абый, Анаабыр, Дьааҥы, Булуҥ, Аллайыаха, Аллараа Халыма, Орто Халыма, Үөһээ Халыма уонна Өлөөн улуустарыгар баара биллэр.

Следите за самым важным и интересным в Telegram-канале и WhatsApp-группе ЯСИА