Өлүөнэ эбэни туоруу сылдьар «Хивустары» хаартыскаҕа түһэрэн интернет ситимигэр тарҕаттылар. Суудуналар дьону таһа сылдьар буолуохтарын сөбүн этэллэр. Билигин айанньыттарга суол бобуулаах. СИА-ҕа транспорт министиэристибэтэ иһитиннэрбитинэн, «подушкалар» таһаҕаһы тиэйиигэ сылдьаллар, дьону таспаттар.
Муус устар 20 — 30 күннэригэр өрөспүүбүлүкэ баһылыгын ыйааҕынан Өлүөнэ өрүһүнэн Дьокуускай — Аллараа Бэстээх, Аллараа Бэстээх — Дьокуускай, Кангалас — Суотту, Суотту — Кангалас уонна Алдан эбэҕэ Мэҥэ-Алдан — Кэскил, Кэскил — Мэҥэ-Алдан хайысхаларынан айанньыттарга суол бобуллубута.
Хааччахтааһын таһаҕаһы тиэйиигэ-таһыыга көрүллүбэт.
Суудуналары ГИМС уонна тырааныспар полицията хонтуруоллуур. Онон пассажирдар суохтар.
Салгын үктэллээх «Хивустар» таһаҕаһы тиэйиигэ-таһыыга, коронавируска анаалыстары, бордууктаны, техническай малы-салы тириэрдиигэ үлэлииллэр. Бу олоҕу-дьаһаҕы хааччыйыыга туһуланар дьаһаллар.
