Дьокуускайга 30 кыраадыс итийиэҕэ, оттон сорох улуустарга салгын температурата +34-кэ диэри тиийиэҕэ. От ыйын 23 күнүнээҕи күн-дьыл туһунан Саха сиринээҕи УГМС иһитиннэрдэ.
Дьокуускайга күнүс +28…+30 кыраадыс буолара күүтүллэр. Этиҥнээх ардах, ону кытта сөкүүндэҕэ 9–14 миэтэрэ түргэннээх тыал түһүөн сөп.
Киин улуустарга итии буолуоҕа — +24…+29 кыраадыска диэри, ол эрэн ардах кэмигэр температура +19…+24-гэ диэри түһүөҕэ. Саамай үрдүк температураны чэппиэргэ соҕуруулуу-илин улуустарга кэтэһэллэр: +29…+34 кыраадыска диэри.
Кылгас кэмнээх ардах соҕуруулуу-арҕаа, соҕуруу, киин улуустарга, Өлүөнэ аллараа сүнньүнэн, Дьааҥыга уонна илин диэки тиийиэҕэ. Кэбээйи улууһугар дохсун самыыр түһэрин сэрэтэллэр.
