Арассыыйа бэрэсидьиэнэ Владимир Путин учууталлары өйүүргэ саҥа миэрэлэри бигэргэтэр уураахха илии баттаата. Докумуон быраабы иһитиннэрэр порталга таҕыста.
25 сылтан итэҕэһэ суох идэҕэ үлэлээбит учууталларга «Үлэ бэтэрээнэ» аат иҥэриллиэҕэ. Педагогтар ону тэҥэ үлэ боппуруостарыгар босхо юридическай көмөҕө быраабы ылыахтара.
Маны таһынан, учууталларга судаарыстыбаннай электроннай үөрэх ресурсаларыгар босхо киирэр кыах мэктиэлэнэр. Саҥа саҕалаан эрэр педагогтарга булгуччулаах настаабынньыктааһын — биир сылтан итэҕэһэ суох болдьоххо киллэриллэр.
Бырабыыталыстыбаҕа алта ый иһигэр учууталлар ноҕуруускаларын уонна үлэ бириэмэтин эрэсиимин ирдэбиллэрин саҥардар сорудах бэрилиннэ. Эрэгийиэннэр былаастара педагогтарга көрүллэр өйөбүл миэрэлэрин туһунан иһитиннэриини уонна олор олоххо киириилэрин хааччыйыахтаахтар.
