Драценаны дьиэҕэ үүннэрдэххэ биирдэ эмэ тыллар диэн куйаар ситимигэр суруйаллар. Оттон Томпо оройуонун Хаандыга бөһүөлэгэр бу үүнээйи 10 сыл устата субуруччу сибэккилэнэр.
Драцена душистая пальмалар көрүҥнэригэр киирсэр улахан үүнээйи. Бу хаартыскаҕа көстөр букатын муостаттан саҕалаан дьиэ өһүөтүгэр тиийбит. Үүммүтэ да ырааппыт эбит. Бастакы хаһаайкатыгар 10 сыл турбут. Ити кэм тухары сибэккилэммэтэх. Онтон саҥа хаһаайкатыгар Оксана Назаренкоҕа биэрбитигэр ол сайын тыллыбыт. Дьиктитэ диэн бастаан тыллыбытыгар киһи курдук быһыылаах эбит.
Бастаан тыллыаҕыттан ыла бу драцена 10 сыл субуруччу сибэккилэммит. Аата да этэринэн, сөбүгэр дьикти сыттаах.
Оксана Викторовна Томпо оройуонун баһылыгын социальнай боппуруостарга солбуйааччынан үлэлиир. Иллэҥ кэмигэр сибэккилэри үүннэриинэн дьарыктанар. Холобура, бэйэтэ үүннэрбит подсолнухтарын аттыгар хаартыскаҕа түспүтэ көстөр.
Евдокия Неустроева
