«Күн-дьыл уонна килиимэт» портал дааннайынан, Дьокуускайга от ыйын саҕаланыаҕыттан 77 мм сөҥүү түстэ, бу ый нуорматын 191%-гар тэҥнэһэр. Ол кэмҥэ салгын орто температурата нуорматтан 2,1 кыраадыс үрдүк.
От ыйынааҕы Дьокуускайга килиимэтин нуормата — 19,9 °С. Ый дьиҥнээх температурата 22,2°С тиийдэ, ол аата нуорматтан 2,1 кыраадыс үрдүк.
От ыйыгар сөҥүү нуормата 40 мм. Билиҥҥи туругунан өрөспүүбүлүкэ киинигэр 77 мм сөҥүү түстэ — бу сыллааҕы ортоку көрдөрүүнэн 191%.
Ордук ардахтаах кэм от ыйын 18–20 күннэригэр буолла. Үс күҥҥэ Дьокуускайга 59,3 мм сөҥүү түстэ, бу от ыйын бүтүн килиимэтин нуорматыттан (40 мм) балтараа төгүл элбэх.
От ыйыгар саамай намыһах температура от ыйын 4 күнүгэр бэлиэтэммит — 8,8 °С. Саамай итии күн от ыйын 8 күнэ буолла, онно салгын 35,9°С диэри итийдэ.
УГМС бэлиэтээбитинэн, Ленскэй, Муома улуустарыгар уонна Дьааҥыга быстах ардахтар, сорох сиринэн этиҥнээх ардахтар түһүөхтэрэ. Өрөспүүбүлүкэ атын сиригэр-уотугар сүрүннээн сөҥүүтэ суох күн-дьыл туруоҕа. Дьокуускайга күн эмиэ сүрүннээн ардаҕа суох ааһыаҕа, күнүс +24…+26 °С диэри сылыйыаҕа.
