Саха сиринээҕи УГМС көрдөрөрүнэн, Чурапчы, Амма уонна Кэбээйи оройуоннарыгар баһаартан сэрэхтээх буолуу олус үрдүк V кылааһа оннунан хаалар.
Куттал бэһис кылааһын усулуобуйатыгар уоту ханнык баҕарар сэрэҕэ суох туттуу улахан содулларга тиэрдиэн сөп.
Ааспыт суукка иһигэр Саха сиригэр уон үс ойуур баһаара умуруорулунна. От ыйын 20 күнүгэр сарсыарда өрөспүүбүлүкэҕэ уопсайа 46 тыһыынча га кэриҥэ иэннээх 15 ойуур баһаара үлэлиир.
Дьокуускай уонна өрөспүүбүлүкэ кэккэ оройуоннарын территорияларыгар ойуурга сылдьыыны уонна аһаҕас уоту туһаныыны хааччахтыыр ураты баһаартан сэрэтэр эрэһиим үлэлиир.
