18 Ыам ыйа 18.05
  • -7°
  • $ 104,68
  • 115,6

Саккырыырга Эйэ холууптара көттүлэр

14:01, 24 июня 2020
Текст:

Саккырыыр олохтоохторо бүгүн Кыайыы болуоссатыгар мустан, бүтүн Россиятааҕы «Эйэ холууба» аахсыйаҕа кытыннылар. Эйэлээх, көҥүл олох иһин муус маҥан холууптары үөһээ халлааҥҥа көтүттүлэр.


Эбээн Бытантай улууһун киинигэр буолбут Россиятааҕы аахсыйаҕа холууптары иитэр Ковалевтар дьиэ кэргэн кытыннылар. Оҕо саас киинин иитиллээччилэрэ, кэнчээри кэскил кыттыыны ыллылар.

Геннадий Ковалев, ыал аҕа баһылыга оҕо эрдэҕиттэн кыылы-сүөлү иитэрин кэпсиир. Кини хоту улууска анаан-минээн холуубу иитэр баҕалааҕын эттэ: «Баҕа санаабын толорон, үс сыл анараа өттүгэр бастаан түөрт холуубу аҕалбытым. Онтуларым төрөөн-үөскээн, эбии атын боруодалары аҕалан, билигин 20 араас холууптаахпыт, ол быыһыгар почтальоннар, павлиннар о.д.а. бааллар. Кыһын тымныыга хотоҥҥо кыстыыллар, халлаан сылыйдаҕына көҥүл босхо көтөллөр, 30 кыраадыс тымныыга диэри тулуйаллар. Дьиэлэрин үчүгэйдик билэллэр, аһыылларыгар кэлэллэр. Астарыгар сириксэнэ суохтар«, — диэн кэпсээтэ

Следите за самым важным и интересным в Telegram-канале и WhatsApp-группе ЯСИА
0
0