30 Кулун тутар 30.03
  • -15°
  • $ 92,37
  • 99,53

Сайыҥҥы оҕо лааҕырдара аһыллаллар

11:03, 31 мая 2021
Текст:
Читайте нас на
Яндекс Новости
ЯДВ

Бэс ыйын 5 күнүттэн бастакынан күнүскү оҕо лааҕырдара үлэлэрин саҕалыахтара. Оттон бэс ыйын 15 күнүттэн атын, ол иһигэр стационарнай лааҕырдар аһыллыахтара. Бу туһунан үөрэх министиэристибэтин иһитиннэриитигэр сигэнэн СИА суруйар.


Сайыҥҥы оҕо сынньалаҥын тэрийии коронавирус дьаҥыттан харыстаныы бары миэрэлэрин тутуһан ыытыллар.

Үөрэх миниистирэ Михаил Сивцев лааҕырдар 75% толору үлэлиэхтэрин иһитиннэрэр. Бастакы симиэнэҕэ 338 лааҕыр үлэлиэ, итиннэ 20 792 оҕо сылдьыа. Ити сайыҥҥы сынньалаҥынан хабыллыахтаах оҕо ахсаанын 67 %.

Улуус, куорат баһылыктарыгар туһаайан салалта үлэни тэрийиигэ САНПиН саҥа ирдэбиллэрин тутуһан үлэлииллэригэр, үлэһиттэр коронавирустан быһыыны ылалларын хааччыйалларын, лааҕыр иннинэ ПЦР, ИФА анаалыстарын туттаралларын эттэ. Ити анаалыстары стационарнай лааҕырдарга эбэтэр өрөспүүбүлүкэ таһыгар барар оҕолор эмиэ ааһыахтара.

САНПиН ирдэбиллэригэр эппиэттиир лааҕырдар испииһэктэрэ саха-отдых-детей.рф порталга баар.

Өрөспүүбүлүкэ таһыгар барыта 795 оҕо сынньанара былааннанар.

Федеральнай бырагыраамаҕа киирбит стационарнай лааҕырдарга путевка быйылгыттан 50 %-на төрөппүккэ төннөр буолуо. Туристическай кэшбек бырагыраама путевка сууматыттан 20 тыһ. иһинэн харчыны төннөрүө. Төрөппүт оҕотугар лааҕыры «Мир путешествий» саайтан «Детский отдых» балаһаттан талар.

Үөрэх министиэрстибэтэ оҕо сайыҥҥы сынньалаҥын тэрийии туһунан сиһилии 89248687268 нүөмэринэн билсиҥ диэн иһитиннэрэр.

Следите за самым важным и интересным в Telegram-канале и WhatsApp-группе ЯСИА