«Сахатранснефтегаз» АУо тиэхиникэтэ Горнай улууһун Бэс Күөлэ нэһилиэгэр умайбыт тутуулары ыраастыа. Бүгүн нэһилиэккэ түөрт тиэхиникэ айаннаата. Билигин миэстэтигэр тэрилтэ үлэһиттэрэ бөҕү-сыыһы ыраастаан саҕалаатылар.
Погрузчик, икки самосвал, бульдозер кэллэхтэринэ умайбыт дьиэлэртэн хаалбыт бөҕү ыраастыахтара, анал сиргэ таһыахтара. Үлэһиттэр Бэс Күөлүгэр атырдьах ыйын 15 күнүгэр диэри сылдьыахтара. Ити кэм иһигэр кинилэр эбии түөлбэҕэ киирэр суолу кутуохтара.
