21 Муус устар 21.04
  • $ 93,44
  • 99,58

"Сахатеатрын" артыыстара Муҥха Дэлбэрийбиккэ ыалдьыттаатылар. Тааттаҕа гастроллар саҕаланнылар

13:01, 22 февраля
Текст:
Хаартыска: Ааптар тиксэриитэ
Читайте нас на
Яндекс Новости
ЯДВ

Олунньу 21 күнүттэн биир ый устата Таатта улууһугар Былатыан Ойуунускай аатынан «Сахатеатра» ыалдьыттыыр. Артыыстар гастрольнай турдарын кырдьаҕас Чөркөөхтөн саҕалаатылар.

Эдэр көлүөнэ артыыстары сэргэ саха тыллаах дьон ытыктыыр, сүгүрүйэр Зоя Багынанова, Маргарита Борисова бааллар. Чөркөөхтөр икки күн устата Карел Чепак «Ийэ» драматын уонна Былатыан Ойуунускай «Оҕоҕо баҕарбыт» испэктээги «тутан» олорон көрүөхпүт, диэн СИА-ҕа Светлана Халгаева суруйда.

Театр сүрүн режиссера Руслан Тараховскай Былатыан Ойуунускай төрөөбүтэ 130 сылыгар анаан кини оҕолорго анаан суруйбут айымньыларын холбоон, сонун испэктээк оҥорбут.

Театр артыыстара Судаарыстыбаннас уонна политсыылка, история музейдарын көрдүлэр. Олунньу тымныытын аахсыбакка, суол-иис суох диэн толлубакка, Былатыан Ойуунускай киинэ түспүт Муҥха Дэлбэрийбиккэ сырыттылар.

Испэктээк геройдара Дмитрий Татаринов, Илья Стручков, Василий Романов алааска тиийэн көмүлүөк оһоҕу оттон, көҥүллэтэн, иһийэн санааларын сааһыланнылар. Былатыан мэҥэ өйдөбүнньүгэр сүгүрүйдүлэр.

Следите за самым важным и интересным в Telegram-канале и WhatsApp-группе ЯСИА
Тутаах тыллар