Сарсын Туймаада ыһыаҕа. Саха дьоно алаадьы астаан түһүлгэҕэ киллэриэхтэрэ, алгыстаныахтара, уруйу өрө тутуохтара. СИА бүгүҥҥү Сахалыы АСМР рубрикатыгар алгыстаах алаадьыны астаан көрдөрүөхтэрэ.
Алаадьыны үксүн итии сырыттаҕына, сүөгэйинэн, дьэдьэн барыанньатынан, мүөтүнэн эбэтэр ынах арыытынан сибээн, буккуйан сииллэр.
Сахалыы алаадьыны оҥорорго маннык ингредиеннэр туттуллаллар:
- Сүүмэх
- Үүт эбэтэр уу
- Сымыыт.
- Саахар
- Туус
Алаадьы саха дьонун олоҕор улахан суолталаах:
- Ыалдьыт кэллэҕинэ алаадьынан күндүлээһин – сахалыы ыалдьытымсах буолуу биир көрүҥэ.
- Ыһыахха, урууга, төрөөбүт күннэргэ алаадьы булгуччулаах буолар.
- Дьиэ кэргэҥҥэ бэйэҕэ күҥҥэ хаста да алаадьыны буһаран аһыыллар.
- Сороҕор алаадьыны арыылаан, Айыыларга, Иччилэргэ айах тутар аска тутталлар. Ол — төрүт итэҕэлбит буолар.
Ааптар: Дайаана Апросимова
