28 Кулун тутар 28.03
  • -13°
  • $ 92,59
  • 100,27

“Саха ыччатын – бырамыысыланнаска” экспедиция айаннаата

16:35, 27 марта 2018
Текст:
Читайте нас на
Яндекс Новости
ЯДВ

Өрөспүүбүлүкэ 20 үөрэнээччитэ “Саха ыччатын –бырамыысалыннаска” бырайыак чэрчитинэн ыраах айаҥҥа турунна. Кинилэр “Якутуголь”, “Колмар”, “Селигдар” уонна атын эбийиэктэргэ Алдаҥҥа, Нерюнгрига, Амур уобалаһыгар сылдьыахтара. Экспедиция “Восточнай” космодромҥа тиийиэҕэ.


Кыттааччылары сүүмэрдээһин edersaas.ru сайтын эрэдээксийэтигэр ыытыллыбыта. Ирдэбиллэртэн биирдэстэринэн үөрэнээччилэр физиканы эбэтэр химия эксээмэнин туттарбыт буолуохтаахтара.

Экспедиция “Дьокуускай — Алдан — Нерюнгри — “Восточнай” космодром — Дьокуускай маршрутунан айанныаҕа. “Якутуголь”, “Алданзолото”, “Колмар”, “Селигдар”, Газпром Трансгаз” Томск”, “Железные дороги Якутии” уонна “Роскосмос” хампаанньалар эбийиэктэрин көрүөхтэрэ.

Ыччат дьыалаларыгар уонна дьиэ кэргэн бэлиитикэтин миниистирэ Афанасий Владимиров оҕолорго баҕа санаатын тиэртэ.

Экспедиция салайааччыта, “Сахатранснефтегаз” хампаанньа үлэһитэ Аркадий Турантаев бу тэрээһиҥҥэ 2011 с. кыттыбыта. “Мин идэбин таларбар суолбун ыйбыт бырайыакка махтанабын”, — диэтэ кини кыттааччыларга алгыс тылын этэригэр.

Уус Алдан оскуолатын 10 кылааһын үөрэнээччилэрэ Кристина Петрова уонна Аэлита Николаева айан кинилэргэ туһалаах буолуоҕар баҕараллар.

Экспедиция бүгүн айаҥҥа турунна уонна уон күн устата барыаҕа.

Следите за самым важным и интересным в Telegram-канале и WhatsApp-группе ЯСИА