Саха(Якутия)стат тэрилтэ 169 сылларыгар анаан балаҕан ыйын 28-29 күннэригэр аһаҕас аан күннэрин биллэрэр. Регион сүрүн статистическай уоргана историяларын, үлэлэрин уратыларын кэпсиэхтэрэ, суруйар СИА.
Салайааччылара Ирина Гаева эппитинэн, Россия 66 территориальнай уорганыттан Саха сирин статистикатын тэрилтэтэ 9 миэстэҕэ турар.
«Сылтан сыл статистика информациятыгар наадыйыы күүһүрэр. Биһиги дааннайдарбыт былаас уорганыгар эмиэ олус наадалаах уонна нэһилиэнньэҕэ судаарыстыба уонна өрөспүүбүлүкэ экономикатын сайдыытыгар ханнык эрэ миэрэни, быһаарыыны ылыыга. Барыта 300 үлэһиттээхпит, 14 сүрүн тэрилтэлээхпит, 31 улуустарга баар», — диэтэ Ирина Гаева.
Аһаҕас ааннар кэмнэригэр өрөспүүбүлүкэ биэдэмистибэлэрин, үрдүк үөрэх тэрилтэлэрин, научнай-экспертнай уонна үөрэх сообществоларын, СМИ бэрэстэбиитэллэрин кытта көрсүһүүлэр буолаллар. Тэрилтэ презентациятын уонна Ыччатын сэбиэтин үлэтин көрдөрүөхтэрэ.
