18 От ыйа 18.07
  • 18°
  • $ 88,09
  • 96,3

Саха театра «Кэрэ көмүскэлигэр», «Наара Суох» испэктээкиллэргэ ыҥырар

16:52, 21 января 2016
Текст:
Читайте нас на
Яндекс Новости
ЯДВ

1940 сыллаахха балаҕан ыйын 15 күнүгэр 34 эдэркээн бэйэлээх саха бастыҥ ыччаттара Ленинград куоракка Александр Островскай аатынан театральнай институкка артыыс үөрэҕэр үөрэнэ тиийбиттэрэ. Кинилэр ааттара «Могучая студия» диэн этэ. Ол эрээри хаарыан ыччаттар инники дьылҕалара, кэлэр кэскиллэрэ хаарга быраҕыллыбыт сибэкки кэриэтэ кырыыстаах сэрии хабыр хаһыҥыттан хагдарыйа кэхтибитэ…

Туруорааччы режиссер — Руслан Тараховскай.

Лена Гоголева сценографията уонна көстүүмнэрэ.

Владимир Пестряков музыканан киэргэтиитэ.

Оруолларга — Ирина Никифорова, Василий Борисов, Татьяна Легантьева, Роман Дорофеев, Александра Софронеева, Алексей Егоров-Өркөн, Ньургуйаана Шадрина, Елена Маркова, Илья Стручков, Петр Макаров, Иннокентий Луковцев, Ефим Степанов, Лена Сергеева-Румянцева, Тамара Обутова, Дмитрий Михайлов, Руслан Тараховскай, Мария Николаева, Изабелла Николаева, Анна Кузьмина, Айаал Аммосов.

Саҕаланар киэһэ 5 чаастан.

Саха театра тохсунньу 31 күнүгэр саха народнай поэта Иван Гоголев «Наара Суох» комедиятыгар ыҥырар.

«Наара Суох» испэктээкил Саха театрын сыанатыгар аан бастаан 1965 сыллаахха олунньу 27 күнүгэр турбута. Туруорааччы режиссер — Россия уонна Саха АССР үтүөлээх артыыһа Федот Федотович Потапов.

Наара Суох оруолун аан бастаан Саха АССР үтүөлээх артыыһа Илья Находкин оонньообута. Ол кэнниттэн өр кэмҥэ Саха АССР народнай артыыһа Гаврил Колесов, Россия уонна Саха АССР үтүөлээх артыыһа, ССРС Государствотын бириэмийэтин лауреата Симон Федотов оонньообуттара.

Күтэр Бороҥкууйабы Россия уонна Саха АССР народнай артыыһа Афанасий Прокопьевич Петров, Баачыканы Саха АССР үтүөлээх артыыһа Яков Прокопьевич Кычкин оонньообуттара.

1998 сыллаахха испэктээкили Россия үтүөлээх, СР народнай артыыһа, ССРС уонна Россия Федерация Государственнай бириэмийэлэрин лауреата Ефим Николаевич Степанов сөргүтэн туруорбута.

Күн бүгүн Наара Суоҕу СР үтүөлээх артыыһа, Россия государствотын бириэмийэтин лауреата Иннокентий Луковцев оонньуу сылдьар. Күтэр Бороҥкууйап — СР үтүөлээх артыыһа Иннокентий Дакаяров, Баачыка — СР үтүөлээх артыыһа Дмитрий Михайлов.

Саҕаланар киэһэ 5 чаастан.

Следите за самым важным и интересным в Telegram-канале и WhatsApp-группе ЯСИА