Саха сириттэн өссө үс техника анал байыаннай дьайыы кыттыылаахтарыгар эбии көмө чэрчитинэн байыаннай чаастарга бэрилиннэ. Бу туһунан брифинг кэмигэр Юстас позывнойдаах тирэх пууннар кылаабынай сүрүннээччилэрэ иһитиннэрдэ.
Тырааныспардар Донбасска көмө уонна өйөбүлүн Хотугулуу-илиҥҥи фондатыттан, ону таһынан байыаннай сулууспалаахтарга көмөлөһөр атын тэрилтэлэртэн бэрилиннилэр.
«Саха сириттэн байыаннайдары хааччыйар үлэ Новоазовскай куоракка тирэх пуун нөҥүө салҕанар. Ааспыт нэдиэлэҕэ пуун үлэһиттэрэ 14 сырыыны оҥорбуттар. Байыаннай сулууспалаахтарга аадырыстаах көмөнү биэриигэ ураты болҕомто ууруллар. Отчуоттуур кэмҥэ баһыылкалары 245 ыытыы тэрилиннэ», — диэн Юстас кэпсээтэ.
Техниканы чөлүгэр түһэрии үлэтэ эмиэ салҕанар. Тирэх пууннарга механиктар бөлөхтөрө нэдиэлэ иһигэр байыаннай чаастар уонна тирэх пуун үс техникатын оҥордулар.
Билигин исписэлиистэр үлэлэригэр бойобуой соруктары толорор подразделениелартан киирбит өссө 12 техника баар.
Маны сэргэ олорор уонна ыскылаат дьиэлэрин-уоттарын тупсарыы, ону тэҥэ үлэ көдьүүһүн үрдэтэргэ уонна табыгастаах усулуобуйаны тэрийэргэ тирэх пуун тиэргэнигэр тупсарыы салҕанар.
