Саха сирин тирэх пууннарын үлэһиттэрэ биир нэдиэлэ иһигэр 25 сорудаҕы толорорго сырыттылар, ол түмүгэр байыастарга 208 баһыылка тиэрдилиннэ. Бу туһунан нэдиэлэтээҕи брифиҥҥэ «Юстас» позывнойдаах өрөспүүбүлүкэ тирэх пууннарын сүрүннээччитэ иһитиннэрдэ.
Кини этэринэн, механиктар бөлөхтөрө биир анал тиэхиньикэни чөлүгэр түһэрдилэр. Билигин өссө 10 тиэхиньикэ өрөмүөҥҥэ турар.
«Маны сэргэ, бу күннэргэ Саха сирин Эдьигээн оройуонун дэлэгээссийэтин арыаллааһын хааччылынна, кинилэр байыаннай сулууспалаахтарга бары өттүнэн көмөнү оҥордулар», — диэн «Юстас» иһитиннэрдэ.
Кини эбэн эппитинэн, байыаннай дьайыы зонатыгар сураҕа суох сүппүт байыастары көрдөөһүн тиһигин быспакка ыытыллар.
«Хас биирдии ирдэбилгэ Арассыыйа Оборуонатын министиэристибэтин кытта бииргэ үлэлэһэн, наадалаах бэрэбиэркэлэр ыытыллаллар», — диэн «Юстас» түмүктээтэ.
