21 От ыйа 21.07
  • 16°
  • $ 88,02
  • 96,04

Саха сирин спортсменнара теннис күрэҕэр бастаатылар

19:05, 22 ноября 2021
Текст:
Читайте нас на
Яндекс Новости
ЯДВ

Сэтинньи 18-21 күннэригэр, Новосибирскай уобалас Бердск куоратыгар “Кубок Старт Лайн” диэн остуол тенниһын X Арассыыйатааҕы турнира буолан ааста. Күрэхтэһиигэ Саха сириттэн 18 спортсмен кытынна.

Онус сылын, Start Line хампаанньа остуол тенниһын бэдэрээссийэтин кытары  эдэр талааннаах спортсменнарга турнир тэрийэр. Быйыл турнирга дойду араас регионутттан сылдьар 340 эдэр спортсменнар күрэхтэстилэр – Новосибирск куоратыттан, уобалаһыттан, Омскайтан, Иркутскайтан, Барнаултан, Тюменьтан, Читаттан, Челябинскайтан, Забайкальскайтан, Красноярскайтан уонна Саха сириттэн.

“Спорт Якутии” биллэрбитинэн, 2007-2009 с. төрүөх 93 күрэхтэһээччилэртэн Изот Кривошапкин (тренера Г.И.Кривошапкин) бастаабыт. Эдэр спортсмен Чурапчы Хатылытыттан төрүттээх.

2004-2006 сыллардааҕы 66 кыттааччы быыһыттан кыайыыны Амма Эмиһиттэн сылдьар Анита Ноговицина (тренердара Николаев В.П. уонна Румянцев В.И.) ситистэ.

Бердск куоракка Саха сирин аатыттан, В.Румянцев, А.Иванова, В.Васильева тренердаах барыта 18 спортсмен күрэхтэстэ.

Следите за самым важным и интересным в Telegram-канале и WhatsApp-группе ЯСИА