Саха Өрөспүүбүлүкэтин бырабыыталыстыбата соҕуруу оройуоннары уматыгынан хааччыйыы балаһыанньатын бигэргэтэр дьаһаллары ылар. НПЗ-тан бензин эбии кээмэйин тиэйии саҕаламмытын кэннэ, Саха сирин соҕурууҥҥу нефтебазаларыгар уматыгы биэрии нуормалара улаатыахтара. Бу туһунан өрөспүүбүлүкэ нэһилиэнньэтин гражданскай оборонаҕа дьыалаларыгар уонна олоҕу-дьаһаҕы хааччыйыыга куттал суох буолуутун миниистирин солбуйааччы Яна Наумова иһитиннэрдэ.
Кини этэринэн, атырдьах ыйын 3 күнүгэр сөбүлэһиллибит кээмэй толору төлөммүт, билигин тиэйиини бигэргэтиини күүтэллэр. «Уматыктаах састааптар хамсааһыннара саҕаланнаҕына, ааҕыыларынан, бу нэдиэлэҕэ буолуоҕа, Саха сирин соҕурууҥҥу нефтебазаларыгар уматыгы биэрии нуормалара эбиллиэхтэрэ», — диэтэ кини.
Эрдэ Саха сирин баһылыга Айсен Николаев «Роснефть» уонна «Саханефтегазсбыт» икки ардыларыгар эбии 5 тыһыынча туонна бензины (АИ-92 уонна АИ-95 — 2,5-тыы тыһыынча туонна) тиэйии туһунан дуогабар баарын эппитэ. Санатан эттэххэ, Арассыыйа вице-премьерэ Александр Новак салалтатынан ыытыллыбыт штабка Саха сиригэр 180 тыһыынчаттан тахса туонна ресурс көрүллүбүтэ.
