От ыйын 23 күнүттэн Саха сирин соҕуруу оройуоннарыгар баар уматык сапыраапкаларыгар АИ-95 бэнсиини сууккаҕа биэрии кээмэйэ улаатыаҕа. Бу туһунан Саха Өрөспүүбүлүкэтин бырабыыталыстыбатын бэрэссэдээтэлэ Кирилл Бычков биэдэмистибэлэр икки ардыларынааҕы хамыыһыйа мунньаҕар эттэ, диэн кини MAX мессенджергэ иһитиннэрдэ.
Массыыналаах дьоҥҥо табыгастаах буоллун диэн, өрөспүүбүлүкэ инновациятын министиэристибэтин салалтатынан инфокоммуникационнай технологиялар өрөспүүбүлүкэтээҕи кииннэрин исписэлиистэрэ AZS14 QR-куодунан уматыгы кутар систиэмэни киллэрдилэр. Систиэмэ Дьокуускайга ситиһиилээхтик тургутуллубута, от ыйын 21 күнүттэн Алдан куораты холбоотулар. Сервиска билигин 2 тыһыынчаттан тахса киһи бэлиэтэннэ.
Сотору кэминэн ньиэп бородуукталарын саҥа иэнэ кэлэрэ бигэргэниэ диэн, гражданскай оборона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга миниистирэ Дмитрий Лепчиков брифиҥҥэ иһитиннэрдэ.
