Саха сирин үс нэһилиэгэр скейт- паарка тутуохтара. Бу туһунан социальнай ситимнэргэ быһа эфир кэмигэр Саха сирин архитектуратын уонна куорат тутуутун управлениетын салайааччыта, Саха сирин кылаабынай архитектора Ирина Алексеева иһитиннэрдэ, диэн СИА кэпсиир.
Ирина Алексеева этэринэн, Үөһээ Бүлүү оройуонун Дүллүкүтүгэр, Нам оройуонун Аппаанытыгар уонна Хаҥалас Булгунньахтааҕар саҥа скейтбордтуур миэстэлэр тутуллуохтара.
«Биһиги оҕолорбутугар, спорт актыыбынай көрүҥнэрин таптыыр дьоҥҥо, скейт-пааркалар үрдүк хаачыстыбалаах буолуохтаахтар. Спортивнай оборудованиены ыларга Арассыыйа тутаах поставщигын кытары контракт түһэрсибиппит уонна билигин бу нэһилиэнньэлээх пууннарга исписэлиистэр оборудованиены монтажтаан саҕалаатылар», — диэн тоһоҕолоон бэлиэтээтэ.
Кылаабынай архитектор инникитин Дьокуускай куоракка Сайсары күөл таһын уларытыы чэрчитинэн, бастатан туран скейт-паарканы тутуохтара.
